अतिसुख

रंग बोलतो 

सुवास बोलतो 

वैविध्यही बोलत आहे 

अंधार बोलतो 

शांतता बोलते 

एकत्वही बोलत आहे 

आनंद बोलतो 

उल्हास बोलतो 

घनवनराई बोलत आहे 

डोंगर बोलती 

द-या बोलती 

हसरा झरा बोलत आहे 

दगड बोलती 

शिंपले बोलती 

निवांतपणा बोलत आहे 

स्वर बोलती 

आलाप बोलती 

अतिसुख हे बोलत आहे 

अनुभूती

ॐ 

अलौकिकाचा हात धरावा 

लौकिक सारे सुटून जावे 

तुझी ईश्वरा अनुभूती येता 

जग हे सारे लयास जावे 

मर्जी तुझी का माझ्यावर ही 

कधी ना याचे गणित सुटावे 

वेड लागले नादखुळ्याला 

मजवर जग हे असे हसावे 

मी का गुंतू जगदाभासी 

रहस्य यांना कसे कळावे 

लडबडले कर्मातच सारे 

समाधीसुख यांना ना ठावे

भान रहावे तव एकाचे 

तू माझ्यावर प्रेम करावे 

पर्वा नाही कुणाची असे 

भक्तीमध्ये रममाण मी व्हावे 

अद्भुत नाते तुझे नि माझे 

सगळे जगत अचंभित व्हावे 

असे करू नको असे करू नको 

जगाने मला समजावावे 

ॐ