Na To Karvan Ki Talaash Hai-Barsaat Ki Raat

TRINITY
GOD * SPIRIT * CHILD
ब्रह्म * माया * जीव

ॐ नम: पूर्णाय शंभवे ॐ
.
पै शून्य जैं दावावे जाहले ।
तै बिंदुले एक केले ।
तैसे अद्वैत सांगावे बोले ।
तैं द्वैत कीजे ।।

.



.
मेघाहुनी सुटती धारा
मिळती खळाळा सागरा
माया जीव ब्रह्म जाणा
जळ न उबगे जळपणा
ऐसे अद्वैत हे झाले
पूर्ण शंभुने जग व्यापिले
प्रेम दाटले अपार
झिंगले नेत्र जडभार
चित्त ब्रह्मरंध्री आले
गात्र सारे आनंदले
कंठी बंध जालंधर
मृग मुद्रा देह स्थिर
सुखस्थिति काय वर्णायाची
जिव्हे गुळमिठी मौनाची
निर्गुणा जी निराकारा
हर हर शिवओंकारा
ॐ
सदसच्चाहम
.

परमानंद

मन इन्द्रिये निवांत
बुद्धि घाली दंडवत
अहंकार लीन होत
बिनघोर बैसला

अनादिसिद्ध आत्मसुख
न पाही अपेक्षांचे मुख
अमृतानुभव कौतुक
न्याहाळीत बैसला

स्वसुखासी येई उत
आतबाहेरी भगवंत
परमानंद स्वये शांत
वनस्थानी बैसला


ॐ
सांगें कुमुददळाचेनि ताटे
जो जेवला चंद्रकिरणें चोखटे
तो चकोरू काई वाळुवंटे
चुंबितु आहे
ॐ

कळकळ

एखादे तरी पाउल टाका

शरीरसुखाच्यापुढे

पहा किती सुखदायी दुनिया

आहे त्यापलीकडे

शरीराला घेऊन सोबती

जाता येते त्याही पुढती

मोहाच्या जाळ्यात न फसता

चला ईश्वराकडे

उचला थोड्या तुमच्या माना

पहा जरा ह्रदयाच्या स्थाना

त्याही वरती सहस्त्रार ते

जाऊ त्याच्याकडे

बोलतो मी हे प्रेमापायी

कळकळ तुमची वाटत राही

सुधारणेला वाव अजुनही

आहे तुमच्याकडे

स्वत:मध्ये देवाला शोधा

मांगल्याचे तोरण बांधा

पवित्र तुमच्या देह राउळा

न्या स्वातंत्र्याकडे

ॐ

वेंकटरमणा गोविंदा

ॐ

उद्धरेदात्मनात्मानं नात्मानमवसादयेत ।

आत्मैव ह्यात्मनो बन्धुरात्मैव रिपुरात्मन: ।।

*