शिवभवानी

कापुराचे भेटी / आली ज्ञानज्योती
दोन्ही नष्ट होती / उरे काय //१//

आरशाच्या पुढे / आरसा धरिला

नाहीसा तो झाला / दुजाभाव //२//

शिव समाधीत /भवानी चंचल

एकास पहाल /एका वेळी //३//

नित्य व अनित्य /दोन्ही नाही दूजे
ब्रह्म जेव्हा लाजे / माया दिसे //४//

एक मागे होता /दूजी पुढे येई

दर्शन ती देई/ भक्तालागी //५//

ज्ञानचक्षु आणि /चर्मचक्षु दोन्ही

उघडे ठेविता / भेद नुरे //६//

निर्गुण सगुण/ दोन्ही एकरुपे
जणू भासे रूपे /शिंपलीवर //७//