वाचुनीही बहु शास्त्रे अंतरी कधी ना भिजलो
दिशाहीन भरकटते तारू तैसे आम्ही
हळहळतो जीव आमुचा कळकळते मन
हळहळतो जीव आमुचा कळकळते मन
टाकुनी बोललो देवा शिवरामा तुज आम्ही
सर्वांसाठी दर्शन देतो तू शिवरामा
कुठवर तुझा प्राण कोंडावा उगी आम्ही
क्रोध सोडुनिया व्हावे शिवरामा तू सदय
अगाध स्वरूप तुझे समजलो नाही आम्ही
आम्हासाठी प्रतिपाळका भोगतोस कष्ट
समजू शकलो नाही तुझा वरदहस्त आम्ही
शांत हो शिवरामा शांत हो बा देवा
प्रखर तुझे तेज असे साहू कसे आम्ही
करुणावरुणालया माफी आम्ही मागतो
सर्वांसी गाभारा खुला करतो आम्ही
