किती युगांचा अंधार
उरी साचत राहतो
जेव्हा तुझी भेट देवा
मला कुणी नाकारतो
देवा किती युगे गेली
किती धर्म बदलले
जुने मोडून काढले
नवे अवतार घेतले
किती नामे बदलली
किती रुपे मी घेतली
तुझ्या प्रेमासाठी देवा
सोंगे किती सजवली
वैकुंठाला सोडून मी
किती वेळा रे यायचे
तुझ्या चैतन्या ऐवजी
पाषाण हे कवळायाचे
कशा बेड्या तुझ्या तोडू
कशी दारे ही उघडू
उभ्या भेदाच्या या भिंती
काय करून मी पाडू
देवा थकलो थकलो
देवा हरलो हरलो
इथे मातीमोल झालो
तुला सोडून मी आलो
असा किती वेळा रामा
जाशील तू शरयुमधे
जगी लांडीलबाडीच्या
भक्ति जाते भुमीमधे
देवा तुझे माझे प्रेम
कसे यांना कळायचे
यांनी काढले विक्रीला
माणुसपणसुद्धा यांचे
ॐ
