पहा दशरथाला आज पुत्रशोक झाला
सोडुनी अयोध्या माझा बाळ हा निघाला
हाय आज वनवासाला राम हा निघाला
देह त्यागुनी हो माझा प्राण हा निघाला
कोवळा कुमार सुंदर चालला वनाला
अयोध्या अनाथ करुनी नाथ हा निघाला
थांबवू कसा मी याला कुणी काही बोला
अभागी पिता मी याचा कसा अडवू याला
दैव दुष्ट माझे सारा उपाय खुंटला
जानकी व लक्ष्मणासवे राम हा निघाला
प्रेमपाश माझे सारे तोडुनी निघाला
तीर धनुष्याला जणू हा सोडुनी निघाला
पुत्र करी आज पित्याच्या वचनपालनाला
शोकसंकटात अयोध्या टाकुनी निघाला
।। हरे राम ।।
