क्षणोक्षणी रामा तुझा सहवास
माझा श्वासोश्वास तुझ्या सवे
प्रत्येक घटना तुझीच रे लीला
मज प्रेमळाला साथ तुझी
तुझेच बोलणे तुझेच ऐकणे
तुझाच असणे माझे नित्य
माझा तूच रामा मीच तुझा भक्त
आठवावे फक्त नाम तुझे
ओवाळले माझे रामा मी जीवन
गण गोत्र मान तूच माझा
तुजवीण नाही अन्य गती मती
ज्ञान शक्ती भक्ती तूच एक
मजसी कृपाळा अन्य ना आधार
श्रीराम उदार सखा स्वामी
अगा रामचंद्रा कन्या माय तात
पुत्र दारा वित्त सारे तूच
काय केले पुण्य जाणत मी नाही
परमकृपा ही मिळे कैसी
स्वीकारुनी मज कृतार्थ केलेस
जन्मोजन्मी दास उद्धरी बा
ॐ
