कार्यही करावे भार मानु नये
करणारा आहे रामचंद्र
कर्तबगारीने फुगू नये आम्ही
अपयशानेही खचू नये
रामाच्याशिवाय पानही हलेना
जाणून हे घ्या ना सत्य मनी
सर्वशक्तिमान असताना राम
आम्ही कोण काम करणारे
जेवढी ताकद आम्हा दिली त्याने
तेवढे करणे जीवेभावे
दुस-यांच्या कार्याकडे पाहू नये
स्पर्धा करू नये दुस-याशी
आळस सोडून यत्न चिकाटीने
करीत राहणे झेपेल ते
त्याच्या इच्छेवर झोकुनिया द्यावे
व्हायचे ते व्हावे परिणाम
राम सूत्रधार सद्गुरु बोलले
आपण बाहुले बळहीन
मिळेल तेवढी भाकरी खाऊनी
राहू समाधानी हरीकृपे
ॐ
