मन तव पायी / एकचित्त झाले/
चिंतामुक्त झाले / बालक हे //१//
तुवा समर्थाचा / आधार लाभला /
बालकासी दिला / आशिर्वाद //२//
तुझ्या हुकुमाचा / बंदा मी खाविंदा /
केशवा गोविंदा / पांडुरंगा //३//
माझा अखत्यार / नाही मी मुकुंदा /
माझा कामधंदा /नेमिला तू //४//
जग वटवट / करते हे भारी /
मजला शिसारी / येते त्याची //५//
अन्य कुणाचीही / सत्ता माझ्यावर /
नाही चालणार / हेच खरे //६//
कृपाळू बा देवा / घेई माझी सेवा /
तुझे नाम जिव्हा /घेवो माझी //७//
माझ्या नावे नको / अन्य कर्तबगारी /
तुझी मी लाचारी / पत्करली //८//